Saturday, August 20, 2011

ნათარგმნები - Lisa Miskovsky - Still Alive

ვთარგმნით თამაშის საუნდტრეკს. თამაშია პარკურზე და ქვია Mirror's Edge. წავიდა ვიდიუ!



შეგცვალეს..
შემცვალეს
ვგევართ სხვას
ვგევართ მას..
და რამდენს
ველოდო
გავიგო, რომ ვუშვებ შეცდომას?!
ეგ გულიც
აღარ ძგერს
თუმც გინდა
გავდეს ის ცოცხალს
და წითელ
შუქებში
გადაგარჩენ და აგიხელ თვალს!

*********
მე ვცოცხლობ
მე ვსუნთქავ..
ბოდიშს აღარ მოვუხდი სხვას

*********
სიმშვიდე
სიწყნარე
ჩემში კი ხმაური იკრებს ძალებს
ნუ ყვირი
ნუ ტირი
ღიმილი დავიცვათ - რაც აკრძალეს.
მზის სხივი
ლურჯი ცა
ასეთი გვაქვს ჩვენ აქ ცხოვრება
დავიწვათ
გრძნობებში..
არ გვსურს ციხეში ცხონება!

**********
წაგებაც
მოგებაც
ვისწავლე - ვუშვერ სახეს ქარს.
და ჩქარაც
და ნელაც
გავყვები მას, ვინც მე მიყვარს!

*********

Friday, August 19, 2011

სიყვარულის ახსნა

აგერ, ჩემი ჩრდილომეზობლურსახელიანი მეგობარი გოგონა შეუყვარდათ და ეჭვიანობის ნაცვლად გთავაზობთ მის მიერ გამოგზავნილ მეორე ნოველას. ეს ნოველა საბჭოთა დროსაა დაწერილი და თავის დროზე მეც ბევრი ვიხითხითე. სამწუხაროდ აღარ მახსოვს იმ წიგნის სახელი, სადაც ავტორს მსგავსი სტილის იუმორისტული რამეები აქვ დაწერილი. აბა, საქმე ლაპარაკის ნაცვლად და ვკითხულობთ:

გაზაფხული სიყვარულის ხანაა. გავიგე თუ არა ეს, მივხვდი, სიყვარულის დრო დამიდგა. სწორედ გითხრათ, დიდი ხანია ირინე მომწონდა, მაგრამ რადგანაც ზამთარში გავიცანი, უკუვაგდე მისი კანდიდატურა და მეზობლიანთ თამრო ავირჩიე.
მეცნიერული წყაროებიდან ვიცოდი, – ყველაზე ძნელია სიყვარულის ახსნა ამიტომ სანამ საქმეს შევუდგებოდი, რამოდენიმე დღე სამკითხველო დაბრაზში გავატარე, რათა ამ მხრივ სათანადოდ მოვმზადებულიყავი.

თამროსათვის სიყვარულის ახსნის მარტივი და უბრალო ხერხი შევარჩიე: შეხვედრისას რამოდენიმეჯერ განასკვული თოკი მივაწოდე. მაორის ენაზე კი ეს ნიშნავს “მიყვარხარ”. თამრომ ჯერ თოკს შეხედა, მერე მე, ალბათ, არ სჯეროდა თავისი ბედნიერება. მის გაოგნებას უმალ მივხვდი და თავი მკვირცხლად დავუქნიე. თამრომ საფეთქელთან თითი მიატრიალ-მოატრიალა და გამეცალა. ბიბლიოთეკაში წავედი, რათა ამ ჟესტის მეცნიერული დასაბუთება მომეძებნა. ამაოდ, შესაფერისი ვერაფერი აღმოვაჩინე.

შემდგომი შეხვედრისას ახალი გვინეის ილეთი გამოვიყენე. შინიდან გამოსულ თამროს მივვარდი და ლოყაზე გლუვი ხის ნაჭერი მოვუსვი. მოულოდნელობისაგან თამრიკომ წამოიკივლა და უკან გადახტა. წესით უკან გადახტომა საჭირო არ იყო; თუმცა უმალ მივხვდი მიზეზს – ვიღაც ჭაბუკმა მოქაჩა, ესე იგი, მეტოქე გამჩენოდა და ჩემი რჩეული უმალ ჩემსკენ გამოვქაჩე. კუნძულ კუკაგივას ადათით ორივეს ჩვენ-ჩვენ მხარეს უნდა გაგვეწია, სანამ რომელიმე არ გადასძლევდა, მაგრამ მეტოქემ, აშკარად დილეტანტმა, ყველაფერი აურდაურია და მუშტი მდრუზა მუცელში. ამაოდ ვცდილობდი ამეხსნა, რომ იგი სხვადასხვა ადთებს ურევდა ერთმანეთში. გვინეური ადათის მიხედვითაც კი არ შეიძლებოდა მუშტი-კრივის გამართვა სატრფოს წინაშე, მაგრამ ყმაწვილი ძალზე ყეეყჩი გამოდგა.

საერთოდ, ობიექტი ნამდვილად ვერ იყო სწორად შერჩეული და მე მარინეზე გადავინაცვლე. ჯერ სამოას ადათის მიხედვით მწიფე ხილი შევთავაზე. მარინემ ვაშლები ჩვენი ჯგუფის გოგონებს შორის გაანაწილა. კონგოელთა ხერხით ვცადე გული გადამეშალა. შემწვარი ქათამი მივართვი ამ სიტყვებით: “ჩემი ხელით მოკლული მეთქი”. ამაზე მარინემ მხოლოდ ჩაიცინა. ასეც მომიხდება, სიყვარულში ტყუილს რა ხელი აქვს, ქათამი ხომ “საკულინარიოში” შევიძინე.

დილით მის სახლთან გავჩნდი. როგორც კი ფანჯრიდან დამინახა, ფილაქანზე სამხრეთამერიკელი ინდიელების სასიყვარულო ცეკვა დავუარე, ამასთან, რიტუალური დოლის ნაცვლად კონსპექტების საქაღალდე გამოვიყენე. მოგვიანებით, პოლიციისაკენ მიმავალმა მწარედ ვინანე: არაფერი არ უნდა შეცვალო საუკუნეებით გამოცდილ ტრადიციებში. მით უმეტეს, დოლი – საქაღალდით. ეს, მართლაც, კერპთაყვანისცემაა.

ამ ფაცხაფუცხში ვერც კი შევნიშნე, შემოდგომა როგორ დადგა. დრო უიმედოდ დავკარგე, თანაც სულ უფრო და უფრო ვდარდობდი ირინეზე, რომელიც ზამთარში გავიცანი. მივედი მასთან, ირინე მაგიდას უჯდა და შემწვარ კარტოფილს პირდაპირ ტაფიდან შეექცეოდა. ჩემმა დანახვამ ძალზე გაახარა და კიდევ ერთი ჩანგალი გამოიღო. ვჭამდი კარტოფილს, შევცქეროდი მომღიმარ ირინეს, გული სიხარულით მევსებოდა, ყველაფერი რიგზე იყო, – ადათიც დაცული: მადაგასკარულად საერთო ჯამიდან ჭამა ურთიერთსიყვარულის გამოხატვას ნიშნავდა.

თავის მართლებები

დიდი მადლობა დაბრუნებულ გოგონას, რომლის სახელიც ჩრდილომეზობლურს გავს. მან დიდი წვლილი შეიტანა ბლოგის განვითარების საქმეში, მომაწოდა რა "სასაცილო თავის მართლებები". მაშ ასე, წავიდა!

1. ჩემი ცოლი გარეთ შიშველი არ გამიგდია, უბრალოდ მინდოდა მოვხვეოდი და მეკოცნა. მან კი ეს ვერ გაიგო და ყვირილი ატეხა. ნაჯახით კი კოღოებს დავდევდი. ჩვენ ძალიან კარგი ოჯახი გვაქვს.

2. პოლიციას კი არ გავექეცი, არამედ ჩქარი ნაბიჯით გავასწარი!
3. ავტომობილს ნასვამ მდგომარეობაში არ ვმართავდი, ის თავისთვის მიდიოდა. ამიტომ ჩემი დასჯა მართებული არ არის.

4. არ ვიგინებოდი, სულელი ხომ არა ვარ, რომ კონსერვატორიის შენობაში შევიგინო? გთხოვთ ჩემს მიერ დასახელებული მიზეზი სერიოზულად მიიღოთ.

5. ჩვენ მივედით მოქალაქესთან და ვთხოვეთ ასანთი მოეცა. მან გვიპასუხა, რომ 3 წელი კარატეზე დადიოდა. შეგვეშინდა და ტირილი დავიწყეთ. ცრემლის მოწმენდის დროს შემთხვევით მის თვალზე მომიხვდა ხელი და იმიტომ გაუსივდა თვალი. მოქალაქემ კი ფული თავად მომცა, რომ ცრემლი შემეშრო.

6. გვიან ღამით ჩემი სახლიდან მუსიკის ხმა კიარ ისმოდა, არამედ სასიამოვნოდ იღვრებოდა.

7. სამსახურში ნასვამი იმიტომ გამოვცხადდი, რომ გამოუცხადებლობის შემთხვევაში დამაჯარიმებდნენ.

8. გუშინ სამსახურში სულის საზეიმო მდგომარეობის გამო არ გამოვცხადდი. დილით სიდედრი გავაცილე, რომ გამგზავრება არ გადაეფიქრებინა.

9. პლიაჟზე ქალებს საცურაო ტრუსს იმიტომ ვხდიდი, რომ მათ სხეულებს თავისუფლად ესუნთქა.

10. მეზობლის ქათამი ტალახიანი იყო და გადავწყვიტე, მებანავებინა. საამისოდ ქვაბით წყალი შევათბე და შიგ ქათამი ჩავსვი, მაგრამ საქმეს შევყევი და ქათამი ქვაბში ჩამრჩა. მოვითხოვ !! რომ მეზობელმა თვითონ აბანაოს ქათმები!

11. მოხუც მეზობელს ცარიელი ბოთლი მცირე ძალით ჩავარტყი და ძალიან გამიკვირდა, რომ ტვინის შერყევა მიიღო, რადგან არ მეგონა, მას საერთოდ ტვინი თუ ჰქონდა.

12. დაშავებულს რომ მივუახლოვდი, ფეხი ქვას წამოვკარი და თავის დაჭერის მიზნით მის ჩანთას მოვკიდე ხელი, ინერციით 150 მეტრი გავირბინე, რამაც გააჩინა ქურდობის მცდელობის ილუზია.

Sunday, August 7, 2011

GoPro HD Helmet Camera

არის, გაამართლდა იმედიი! არის ასრულდა მიზანიიი! კიიდევაც დაიზრდებიან ბიჭები პარკურისანიიი! დიდი პოსტის დაწერა მეზარება, ვიდეოპოსტის გაკეთევას ვაპირებდი და კომპის სავარძელში რომ ჩავჯექი, იქვე დამეზარა. ასე რომ იხილეთ სურათი და გშურდეთ!


ხოა მგელი? მოიცა, ახლა წყალქვეშა გადაღებას ვამუღამებ და მერე ნახეთ თქვენ. მერე პრეისერები, მერე აირსოფტი.. აუუ! ნეაგრანიჩინნიე ვაზმოჟნასწი!


Be a Hero!!!