Tuesday, May 12, 2009

ვარიაციები "ანჩხლის" თემაზე

სკუპე - ძაღლიშვილი, ისევ გაიტრუნა აღარ მწერ რატომღაც.. არ ვარ ტარანტული!!! წასვლა გამიგია, მაგრამ პოეტურად.. არის მიტოვებაც, მაგრამ გალანტური! ან მე ვარ ზარმაცი, ან შენ ხარ უკარება, ან კი არც ერთია და არა არის რთული. იქნებ ბედი იყო, იქნება განგება.. ალბათ სხვაგან ეძებს ჩემი შტერი გული. ბოინგის ფრთები, როგორც რითმები ავლენ, წაგიყვანენ ბეემჭეს სამშობლოში. ვიღას ვეხსომები ან ვიღა ვიქნები ვიღაც ქართველი კრიზისის დროში. ჩახვალ, ჩაანათებ, ტუჩებ დაბრუცულო იქაც თუ ი-"ანჩხლ"-ე, შენ ნახე მედლები.. "დუ ბისტ მაინ ლიბე" - შეგკადრებს რამდენი ბოლოს კი დარჩება შიშველი კედლები.. ხვალ შენ მიდიხარ.. ამ ჩემს ოცნებას ისევ მდუმარება გაატიალებს! გული დამწყდება. გული გულმავიწყი.. დედამიწა კი ისევ ტრიალებს.

No comments: